Lysne
Energisk pop-punk på sognedialekt!
Prosjektet Lysne starta som eit einmannsband i Lærdal i 2020, og har sidan hatt base i Bergen. Bak står Ståle Lysne, som tek seg av vokal og det meste av instrumenteringa, saman med eit fast liveband på scena.
Med røter i 90-talets punk, inspirert av band som Green Day, Rancid, NOFX og Bad Religion, leverer Lysne låtar med tempo, gode melodiar og eit uttrykk som ligg tett på sjangeren – med ein tydeleg lokal vri gjennom dialekta.
Sommaren 2024 kom «FRÅ SOGN!», som fekk god respons både på radio og i media, og som har blitt ein favoritt for mange.
Lysne er no aktuell med singelen «Venn Eller Fiende», som blir sleppt 7. april - akkurat i tide til Fjørarock 22.-23. mai. Me gler oss, dette må du få med deg!
